Consegnât uficialmentri al vincidôr, il dotôr Enrico Maiero, il premi par tesis di lauree e dotorât
In ocasion dal XXIV Congrès Anuâl, al è stât consegnât uficialmentri il premi par tesis di lauree e dotorât, istituît de SSTeF, in gracie dal contribût ricevût de ARLeF pal trieni 2022-2024 e assegnât tai prins mês dal 2025.
Il vincidôr de prime edizion dal premi al è il dotor Enrico Maiero, che al à partecipât e vinçût il prin premi presentant la sô dissertazion di Dotorât, compagnade di une sintesi in lenghe furlane dal lavôr origjinâl di grande cualitât.
Enrico Maiero, laureât in Fisiche te Universitât di Triest, si è indotorât tai prins mês dal 2025 in Siencis Polârs te Universitât Ca’ Foscari di Vignesie.
Assegnât il premi istituît de SSTeF
Al è stât assegnât a un zovin studiôs furlan il premi par tesis di lauree o dotorât de Societât Sientifiche e Tecnologjiche Furlane, istituît de SSTeF ancje in graciis dal contribût di ARLeF Regjon Friûl Vignesie Julie.
Il vincidôr al à partecipât cul lavôr de sô tesi di Dotorât.
Il premi par Tesis di Lauree o di Dotorât, istituît de SSTeF al è indreçât a ricognossi e a premiâ lis capacitâts di students e zovins studiôs e ricercjadôrs meritevui, che, par comunicâ i risultâts des lôr ricercjis, a doprin la lenghe furlane.
Pes primis edizions, in vie transitorie, a son ametûts a presentâ domande ancje laureâts o dotôrs di ricercje che a àn scrit la lôr tesi intune lenghe diferente dal furlan, a cundizion che, dongje de tesi, a presentin une sintesi (lungje, al plui, 15 cartelis) de tesi scrite par furlan e doprant la grafie uficiâl.
Premi par tesis di lauree o dotorât
Al è timp fin a lis 13:00 di Sabide ai 24 di Mai dal 2025 par mandâ la domande di partecipazion al concors pe assegnazion dal premi par tesis di lauree o dotorât de Societât Sientifiche e Tecnologjiche Furlane.
La SSTeF, in graciis dal contribût di ARLeF Regjon Friûl Vignesie Julie, e à istituît un premi par Tesis di Lauree o di Dotorât, indreçât a ricognossi e a premiâ lis capacitâts di students e zovins studiôs e ricercjadôrs meritevui, che, par comunicâ i risultâts des lôr ricercjis, a doprin la lenghe furlane. In vie transitorie, a son ametûts a presentâ domande ancje laureâts o dotôrs di ricercje che a àn scrit la lôr tesi par talian o par inglês, a cundizion che a presentin une sintesi (lungje, al plui, 15 cartelis) de tesi scrite in lenghe furlane, in grafie uficiâl.
Premi par tesis
Al è timp fin a Miercus ai 18 di Dicembar dal 2024 par mandâ la domande pal bant di concors pal premi par tesis di lauree o dotorât de Societât Sientifiche e Tecnologjiche Furlane, che al è stât tornât a bandî.
Premi par tesis
Al è timp fin a Lunis ai 29 di Lui dal 2024 par mandâ la domande pal bant di concors pal premi par tesis di lauree o dotorât de Societât Sientifiche e Tecnologjiche Furlane.
La SSTeF, in graciis dal contribût di ARLeF Regjon Friûl Vignesie Julie, e à istituît un premi par Tesis di Lauree o di Dotorât di Euros 250 (dusinte e cincuante), indreçât a ricognossi e a premiâ lis capacitâts di students e zovins studiôs e ricercjadôrs meritevui, che, par comunicâ i risultâts des lôr ricercjis, a doprin la lenghe furlane.
In vie transitorie, se no vessin di jessi candidaturis dentri dai tiermins previodûts il premi al vignarà bandît di gnûf.