» La societât

In dì di vuê il disvilup de culture furlane e de lenghe furlane al pues dâsi dome se i aspiets plui impuartants de modernitât, tant a dî lis siencis, a vegnin doprâts par furlan. Ancje se in tal mont la comunicazion sientifiche si le fâs par inglês, par dut l’insegnament e la realizazion des siencis e des tecnologjiis a vegnin puartâts indenant intes lenghis nazionâls. Cun cheste convinzion e je nassude la SSTeF, associazion indipendente che riunìs ricercjadôrs, studiôs e professioniscj di diviers setôrs sientifics e tecnologjics, che àn a cûr l’incressite de culture e de lenghe furlanis.

» Par savênt di plui

Lis ativitâts di ricercje e di divulgazion sientifiche de SSTeF a son metudis in vore prin di dut in Friûl, ma a vegnin sostignudis ancje ativitâts ator pal mont. A rivuardin i principâi setôrs sientifics dissiplinârs:

» Par savênt di plui

La SSTeF e publiche il Gjornâl Furlan des Siencis / Friulian Journal of Science, gjornâl sientific in lenghe furlane e inglese indulà che vegnin publicâts lavôrs origjinâi di ricercje e di divulgazion su lis dissiplinis sientifichis e tecnologjichis plui avanzadis. Ducj i articui a son a disposizion in version bilengâl furlan-inglês.

Ogni an la SSTeF e ten un Congrès là che i siei associâts a presentin i lôr lavôrs di ricercje plui significatîfs.

» Par savênt di plui

» Par associâsi

Par associâsi ae SSTeF completâ la schede di adesion, stampâle e mandâle a:

SSTeF
c/o CIRF – Universitât di Udin
Via Petracco 6
I-33100 UDINE
Italy

o completâ la schede di adesion eletroniche. Si vegnarâ informâts de acetazion de domande e di cemût paiâ la cuote di iscrizion.

» Imprescj

Il coretôr ortografic al verifiche che lis peraulis di un test a sedin scritis in maniere corete secont la grafie uficiâl e il dizionari di riferiment. Se une peraule scrite nol è tal dizionari il coretôr al à di sugjerî chês peraulis coretes che secont lui a podaressin corispuindi a la peraule falade.

Par cjatâ i sugjeriments il Coretôr Ortografic Furlan (COF) de Societât Sientifiche e Tecnologjiche Furlane al dopre il motôr Aspell che al furnìs chês peraulis che par solit si lis pronunzie in maniere simil a la peraule falade.

Il COF (te so version atuâl 2.0) al funzione come estension di Microsoft Word 2003 e Microsoft Word 2007 sui sistemis operatîfs Microsoft XP e Microsoft Vista.

» Par savênt di plui e scjamâ il COF

» Sience furlane 2.01

Temporâi fuarts, tampiestadis, burlaç, ploiis straordenariis cun Dario Giaiotti da le Agjenzie Regjonâl pal Ambient dal Friûl Vignesie Julie.

giaiotti

» Cunvigne 2012

Sabide ai 17 di Novembar dal 2012, scomençant des dôs e mieze dopomisdì, si tignarà tal Salon d’Onôr dal Municipi di Palme – in Place Grande, 1 a Palme – l’11^ Congrès Anuâl de Societât. La lectio magistralis le tignarà chest an Giacomo Rizzolatti, Professôr Emerit di Fisiologjie umane te Universitât di Parme.

» Par savênt di plui