Sience Furlane

Sience Furlane e je une produzion audiovisive di divulgazion sientifiche in lenghe furlane, realizade par cure de SSTeF pe television e trasmetude de RAI Friûl Vignesie Julie tal 2008.

La serie e je componude di 4 trasmissions  di 15′ minûts.

In ogni pontade, cu la forme di une interviste, condusude dal gjornalist Giorgio Cantoni, intervalade di filmâts di spiegazion, al ven presentât in forme divulgative un argoment sientific. Une rubriche finâl e presente une schirie di tescj o di sîts internet che a puedin judâ a infondî l’argoment.

Lis pontadis a son dedicadis a:

La Basiliche di Aquilee in 3 D (interviste al Prof. Domenico Visentini de Universitât dal Friûl)

Metereologjie furlane e i events violents (interviste al Dot. Dario Giaiotti e al Dot. Fulvio Stel de ARPA dal FVJ

Il cjastenâr tal Friûl (interviste al Prof. Romani Locci de Universitât dal Friûl)

La storie dal vin furlan (interviste al Prof. Enrico Peterlunger de Universitât dal Friûl)

Su cheste pagjine tu puedis viodi une cerce de interviste cun Dario Giaiotti pe pontade su la meteorologjie.