Sience e savietât popolâr: lis fondis sientifichis dai proverbis furlans sul timp
Udin
Grant sucès de conference di Udin
Vinars ai 20 di Jugn un public cetant numerôs si è dât dongje in Sale Ajace, a Udin, par partecipâ ae conference di Dario Giaiotti e Enrico Maiero su “I proverbis furlans e lis lôr fondis sientifichis”. L’event al è stât inmaneât dal Ufici pe Lenghe Furlane dal Comun di Udin, de Societât Sientifiche e Tecnologjiche Furlane e de Società Meteorologica Alpino-Adriatica.
La presentazion e je stade precedude dai salûts puartâts de Conseire delegade ae Identitât furlane, al plurilinguisim e ae biodiversitât urbane dal Comun di Udin, Stefania Garlatti Costa, e dal President de SSTeF, Antonino Morassi.
La conference, tignude dai doi relatôrs in forme di dialic, prin tra di lôr e, po dopo, cul public, e je stade cetant preseade di ducj i presints.
Gurize
Go! 2025… Conference a Gurize!
E miercus ai 25 di Jugn Dario Giaiotti e Enrico Maiero a àn tignût une altre conference “Su lis fondis sientifichis dai proverbis furlans sul timp meteorologjic” a Gurize, li de Sale Dora Bassi. L’event al è stât inmaneât de Societât Sientifiche e Tecnologjiche Furlane e de Società Meteorologica Alpino-Adriatica e dal Centro Ricerche Carsiche “C. Seppenhofer” di Gurize. Ancje a Gurize un public numerôs si è dât dongje par scoltâju.
La presentazion e je stade precedude dai salûts des associazions che a àn colaborât par organizâ la conference: Rino Gubiani al à puartât i salûts de Societât Sientifiche e Tecnologjiche Furlane e Luca Ziani i salûts Società Meteorologica Alpino-Adriatica e dal Centro Ricerche Carsiche “C. Seppenhofer”.
La conference, tignude, ancje in cheste ocasion, in forme di dialic, prin tra i doi relatôrs e, po dopo, cul public, e je stade cetant preseade di ducj i presints.
