Tu puedis dâ une man ae SSTeF in tancj mûts…
… deventant soci
Ancje se no tu âs tant timp di dedicâ ae SSTeF, deventâ soci al è di stes un bon mût di judâle. Vê tantis personis che a àn a cûr la ativitât de Societât, nus da la fuarce e il sburt par fâ simpri di plui e simpri miôr.
Par scuvierzi cemût deventâ soci, visite cheste pagjine.
… fasint une donazion
Se tu preseis i obietîfs e lis ativitâts de SSTeF e tu âs voie di judâle, ancje cuntune piçule donazion, tu puedis fâ un viersament sul cont corint bancjari intestât ae
SOCIETÂT SIENTIFICHE E TECNOLOGJICHE FURLANE
BANCA 360 FVG, Filiale 010 – UDINE 1 (VIA GORGHI),
Vie Gorghi, 33 – Udin.
ABI: 08631 – CAB: 12300.
IBAN: IT22 F086 3112 3000 0000 1037 280.
BIC/SWIFT: CCRTIT2TTER
(pai bonifics dal forest), scrivint te causâl “Erogazion liberâl in favôr de Societât Sientifiche e Tecnologjiche Furlane”.
No son cifris minimis, parcè che ancje un piçul jutori, pe SSTeF al è un grant jutori.
La cifre e la periodicitât (ogni mês o ogni tant, cuant che tu puedis) tu lis sielzis tu.
… puartant une comunicazion
Se tu âs un lavôr di ricercje interessant, che ti plasarès fâ cognossi, presentilu al Congrès de SSTeF.
… Sometint un articul sientific pal GFS/FJS
Se tu âs fat un lavôr di ricercje interessant o tu âs fat une rassegne de leterature inzornade su un argoment e tu varessis gust di publicâju, tu puedis scrivi un articul e sometilu pe publicazion tal Gjornâl Furlan des Siencis/Friulian Journal of Science, la riviste sientifiche de SSTeF.