Presentazion Edizions de riviste Redazion Normis pai autôrs Coretôr Ortografic Furlan
Societât Sientifiche e Tecnologjiche Furlane
Normis pai autôrs
Il Gjornâl Furlan des Siencis al è un periodic semestrâl (doi numars ad an) di 120 pagjinis, stampât in numar di 500 copiis. Il periodic al è dividût in trê sezions:
- Ricercjis
- articui cun contignûts origjinâi par furlan e inglês;
- Rassegnis
- articui di alte divulgazion sientifiche (par furlan e inglês o dome par furlan);
- Recensions
- recensions (dome par furlan) di libris scrits par inglês, todesc, francês (par altris lenghis, daûr acuardis cu la redazion)
Ricercjis
I articui di cheste sezion a àn di vê: titul, titulut di scoriment / running title (max 45 batudis) autôr/s, istituzion/s, riassunt (300/400 peraulis), 3/4 peraulis clâf, introduzion, materiâi e metodis, risultâts, discussion, bibliografie.
I articui, di max 20 cartelis par furlan (plui la traduzion par inglês), a àn di jessi scrits in caratar Times New Roman, cuarp 12, interlinie 1,5; i margjins de pagjine a àn di jessi di 3 cm. par ogni bande.
La introduzion, i materiâi e i metodis, i risultâts, e la discussion a varessin di cjapâ ognidun un cuart de lungjece totâl dal articul .
Rassegnis
I articui di cheste sezion a àn di vê: titul, autôr/s, istituzion/s, struc (300/400 peraulis), 3/4 peraulis clâf, test dal articul, bibliografie.
Al è miôr se il test dal articul al ven dividût in 4/5 paragrafs, ognidun cul so titulut. Ogni paragraf al varès di cjapâ un cuart/cuint de lungjece totâl dal articul.
I articui, di max 15 cartelis dome par furlan, a àn di jessi scrits in caratar Times New Roman, cuarp 12, interlinie 1,5; i margjins de pagjine a àn di jessi di 3 cm. par ogni bande.
Recensions
Lis recensions a àn di vê: autôr, an di publicazion, titul dal libri, lûc di publicazion, editôr, numar di pagjinis.
Lis recensions a àn di jessi dividudis in dôs parts: la prime e à di presentâ i contribûts di fonde dal libri; la seconde e à di pandi il judizi sul libri.
A la fin dal test si à di meti il non e cognon dal autôr de recension, la sô istituzion, la direzion di pueste eletroniche.
Lis recensions, di max 4 cartelis dome par furlan, a àn di jessi scritis in caratar Times New Roman, cuarp 12, interlinie 1,5, i margjins de pagjine a àn di jessi di 3 cm. par ogni bande.
Bibliografie
I autôrs intal test a puedin jessi ripuartâts come in chescj esemplis:
- Whitaker (1988) al à dit ...
- Une vore di studiôs a àn viodût che ... (Whitaker 1977, Paradis 1999, Lebrun 2000)
La bibliografie e à di jessi scrite daûr di chescj esemplis:
- Articui:
- Paradis M. (1999). One brain two languages. Brain and Language, 33: 125-140.
- Libris:
- Whitaker H. (1977). Handbook on Pragmatics. Oxford: Pergamon Press.
- Cjapitui di libris
- Lebrun Y. (2000). Aphasic symptoms in Friulan. In Jakobson R. (Ed) Aphasia in different languages. New York: Academic Press, pp. 243-280.
Spedizion dai scrits
I scrits e i altris materiâi pe publicazion a son di inviâ:
- par pueste, su discut floppy (winword) e stampade su cjarte al Prof. F. Fari (Franco Fabbro), DSFSS Universitât di Udin, Vie Petracco 6, 33100 Udin;
- par pueste eletroniche (e-mail), tant che file peât (winword) a fabbro@sv.lnf.it o pûr kantarut@virgilio.it
Acetazion
Il comitât di redazion al leiarà ducj i scrits, riservantsi l’acet, il refût o la richieste di corezions. A ducj i autôrs i vignarà dade une rispueste par letare o par pueste eletroniche.